ដោយប្រជាជន ដើម្បីប្រជាជន
សម្រាប់នាយកដ្ឋានដឹកជញ្ជូនផ្លូវទឹក ៖
• ជនជាតិខ្មែរ ឬបរទេសជារូបវន្តបុគ្គល ឬនីតិបុគ្គលដែលមានបំណងទទួលលិខិតអនុញ្ញាតធ្វើអាជីវកម្មដឹកជញ្ជូនផ្លូវទឹក ហើយបានបំពេញនូវបែបបទនិងនីតិវិធីស្របតាមលក្ខខណ្ឌ ដែលបានកំណត់ជាធរមាន
• សម្រាប់ជលយានដែលមានចំណុះផ្ទុកលើសពី ៤០តោន កំលាំងម៉ាស៊ីនលើសពី ៩០សេះ និងលើសពី៥០កៅអី។
• សម្រាប់ជលយានដែលមានធ្វើដំណើរឆ្លងកាត់ព្រំដែនគ្រប់ប្រភេទដោយមិនគិតពីលក្ខខណ្ឌនៃទំហំរបស់ជលយានឡើយ។
ដំណើរការនៃការផ្តល់សេវា (របស់នាយកដ្ឋាន)
១. សំណុំលិខិតសុំបណ្ណសំគាល់ជលយាន ៖
១.១. សម្រាប់ជលយានក្នុងស្រុក (ឯកសារភ្ជាប់តម្រូវមាន)
១.២. សម្រាប់ជលយាននាំចូល (ឯកសារភ្ជាប់តម្រូវមាន)
១.៣. សម្រាប់ផ្ទេរកម្មសិទ្ធិជលយាន (ឯកសារភ្ជាប់តម្រូវមាន)
សម្រាប់ជលយានមានចំណុះផ្ទុកលើសពី៤០តោន កំលាំងម៉ាស៊ីនលើសពី៩០សេះ និងលើសពី៥០កៅអី ៖
| ប្រភេទ | តម្លៃ | រយៈពេលផ្ដល់សេវា (ថ្ងៃធ្វើការ) |
|---|---|---|
| ផ្តល់បណ្ណសម្គាល់ជលយានប្រភេទទេសចរណ៍មានបន្ទប់ស្នាក់នៅ/ដឹកកុងតេន័រ | ១ ០០០ ០០០ រៀល | ១០ថ្ងៃ |
| ផ្ទេរម្ចាស់កម្មសិទ្ធិប្រភេទទេសចរណ៍មានបន្ទប់ស្នាក់នៅ/ដឹកកុងតេន័រ | ៨០០ ០០០ រៀល | ០៧ថ្ងៃ |
| ប្តូរម៉ាស៊ីន ពណ៌ កែច្នៃមាឌ ប្រភេទ ឈ្មោះជលយាន ទុតិយតា ឬតតិយតា ប្រភេទជលយាន ប្រភេទទេសចរណ៍មានបន្ទប់ស្នាក់នៅ/ដឹកកុងតេន័រ | ៥០០ ០០០ រៀល | ០៧ថ្ងៃ |
| ផ្តល់បណ្ណសម្គាល់ជលយានគ្រប់ប្រភេទ (រយៈពេលផ្តល់សេវា | ២៥០ ០០០ រៀល | ០៧ថ្ងៃ |
| ប្តូរម៉ាស៊ីនកែមាឌ/ពណ៌ ផ្ទេរម្ចាស់កម្មសិទ្ធិ | ១០០ ០០០ រៀល | ០៧ថ្ងៃ |
| ប្តូរ (ប្តូរឈ្មោះជលយាន) ទុតិយតា ឬតតិយតា បណ្ណសំគាល់ជលយាន | ១០០ ០០០ រៀល | ០៧ថ្ងៃ |
ម៉ោងធ្វើការចាប់ពី ថ្ងៃចន្ទ ដល់ថ្ងៃស្រុក ៨:៣០ព្រឹក-៥:០០ល្ងាច
នាយកដ្ឋានដឹកជញ្ជូនផ្លូវទឹកមានការិយាល័យទាំងអស់ចំនួន ៥ការិយាល័យ និងមាន ៣ការិយាល័យ ធ្វើការផ្តល់សេវាសាធារណៈជូនប្រជាពលរដ្ឋ ក្នុងនោះមានការិយាល័យចុះបញ្ជីនិងយានដ្ឋាននាវា ការិយាល័យត្រួតពិនិត្យលក្ខណៈ បច្ចេកទេសជលយាន និងការិយាល័យអាជីវកម្មដឹកជញ្ជូនផ្លូវទឹក។
ម៉ោងធ្វើការចាប់ពី ថ្ងៃចន្ទ ដល់ថ្ងៃស្រុក ៨:៣០ព្រឹក-៥:០០ល្ងាច
ទទួលចុះបញ្ជីជលយានតាមផ្លូវទន្លេ និងផ្តល់ការអនុញ្ញាតបង្កើតយានដ្ឋាននាវា ដែលមានទីតាំងនៅក្នុងព្រះរាជាណាចក្រកម្ពុជា។
• ចុះបញ្ជីជលយាន ដែលមានចំណុះផ្ទុកលើសពី ៤០តោន កំលាំងម៉ាស៊ីនលើសពី ៩០សេះ និងលើសពី៥០កៅអី។
• ចុះបញ្ជីជលយានគ្រប់ប្រភេទនៅតាមផ្លូវទឹកដែលឆ្លងកាត់ព្រំដែន ដោយមិនគិតពីលក្ខខណ្ឌនៃទំហំរបស់ជលយានឡើយ។
